Welkom by Green School Suid-Afrika – “thrive with purpose”

Welkom by ‘n skool waar ons focus op kreatiwiteit, innovasie en entrepreneurskap. Welkom by ‘n skool wat poog om sy studente en gemeenskap te inspireer en toe te rus om hulle doelstellings na te streef, nou en in die toekoms. Welkom by ‘n kampus wat die sintuie prikkel en kinders en grootmense in verwonderinge laat

staan. Welkom by Green School Suid-Afrika.

Green School Suid-Afrika is toegewyd tot onderwys vir volhoubaarheid op ‘n progressiewe, student-georienteerde manier. Ons fokus daarop om jong mense voor te berei vir ‘n veranderende wêreld. Ons goed nagevorsde onderwysbenadering is spesifiek ontwerp om ‘n liefde vir leer te kweek as ‘n wonderlike, vreugdevolle ervaring en ons leer ons studente die vaardighede wat ons glo nodig is om te floreer: nou én in die toekoms.

Ons glo dat elke kind sy unieke leervoorkeure het, en met 1 onderwyser vir elke 10 studente kan ons ‘n persoonlike benadering vir elke student volg.

Ons is deel van die internasionale Green School beweging wat in 2008 begin is deur Green School Bali. Suid-Afrika gaan die derde skool in die netwerk wees, saam met Green School Bali en Green School Nieu-Zeeland.

Vanaf Januarie 2021 bied ons kleuterskool (ouderdomme 1 – 6) en grade 1 – 8 aan, met jaarlikse uitbreidings totdat die skool tot graad 12 gegroei het. Ons hoogs gekwalifiseerde onderwysers bring ryke lewenservarings na die leeromgewing, en onderrig vind plaas in beide Afrikaans en Engels.

‘n Plek gekies met liefde vir die natuur

Ons skool is in die vrugbare Paarl-Franschhoekvallei geleë,  omring deur die mooiste berge in ‘n area bekend vir sy plantrykdom en natuurprag.

Ons kampus is geleë op 8 hektaar grond, waar inheemse- en groentetuine, vrugteboorde en graanvelde ‘n natuurlike uitbreiding van interne klaskamers is. In hierdie tuine leer ons nie net wiskunde en chemie nie, maar hervestig die band tussen ons as mense en ons voeding en skep ‘n band tussen die skoolgemeenskap en die grond.

Die kampus is volgens  wêreldklas volhoubaarheidsstandaarde ontwerp wat sonenergie insluit as hernubare kragbron, sterk fokus op klimaatsspesifieke waterbestuurstelsels waar water filtreer en hergebruik word. Ons natuurgeïnspireerde ontwerp beoog om by te dra tot die skoolgemeenskap se gevoel van tuiste, en om generasies van studente en besoekers to inspireer en verkwik.

Vaardighede vir die toekoms

Bykomend tot akademiese vaardighede, leer Green School ons studente vaardighede vir die toekoms. Ons susterskool in Bali het die afgelope 11 jaar toegewyd navorsing gedoen om hierdie vaardighede te definieer, en dit vorm die basis van alles wat ons leer. Hierdie vaardighede is:

  • Dink kreatief – wees oorspronklik, wees verbeeldingsryk
  • Aktiveer – voel bemagtig en bemagtig ander. Neem aksie. Maak ‘n verskil.
  • Pas aan – buig soos bamboes
  • Dink krities – soek dieper, vra hoekom, maak koppelings
  • Wees bewus – leer ken jouself
  • Werk saam – selfvertroue op jou eie, sterker saam. Vind jou weg.
  • Dink in stelsels – staan terug en sien die groter prentjie
  • Kommunikeer – verwerk, organiseer en druk jouself logies uit
  • Los probleme op – vind oplossings, probeer, identifiseer probleme.

Vreugdevolle leer, gegrond op opvoedkundige uitmuntendheid

Green School Suid-Afrika verskaf hoë kwaliteit onderwys in ‘n ondersteunende leeromgewing. Ons bied omvattende, multi-dissiplinêre leerondervindinge aan wat die fisiese, emosionele, intellektuele ontwikkeling asook die vermoë om jouself uit te druk, in elke kind aanmoedig. Bo en behalwe uitnemendheid in wiskunde, Afrikaans, Engels, wetenskap en sosiale studies, bied ons ook eksperimentele klasse in entrepreneurskap, omgewingsstudies, kuns, musiek en gesondheidswelsyn aan. Maar die belangrikste, ons vier die wonder van leer, en bring vreugde en opwinding in die skoolomgewing.

Die kaliber van ons kurrikulum, saam met die internasionale reputasie van Green School, maak dit vir ons studente moontlik om toegang te kry tot ander opvoedkundige instansies, plaaslik en internasionaal. Green School Bali-gegradueerdes is by meer as 100 verskillende universiteite regoor die wêreld aanvaar, insluitend universiteite van Australië, Europa, Noord-Amerika en Asië. Ons internasionale netwerk van skole skep addisionele internasionale geleendhede vir ons studente.

‘n Muurlose leeromgewing

Eerder as om vasgevang te wees tussen vier mure, integreer ons die binne-en buitenshuise leeromgewings, en moedig studente aan om bande met hulle omgewing te vorm en wyer daaroor te dink. Die natuurlike, holistiese omgewing moedig avontuur, nuuskierigheid, pret en kreatiewe uitdrukking aan. Ons ondersteun ons studente in hulle soeke na avontuur, om met mekaar en hulle gemeenskap verhoudings te bou, en om dit regtig te geniet om elke dag skool toe te kom

Onderwys vir volhoubaarheid

Ons toekomsgeoriënteerde, natuurgebasseerde kurrikulum moedig jongmense aan om die uitdagings wat die wêreld vandag in die gesig staar, aan te gryp, en bemagtig hulle om ons planeet meer volhoubaar te maak. Ons ondersteun ‘n etiese, kreatiewe en entrepreneuriese uitkyk wat ons glo nodig is vir ‘n positiewe toekoms op ons planeet. Ons liefde vir die natuur is duidelik in elke fase van die leerervaring, binne en buite die klaskamer. Met ons susterskool in Bali wat benoem is as die “Groenste skool op aarde” kan ons hulle ervarings gebruik as beginpunt om ‘n skoolgemeenskap te bou wat toegewyd is tot volhoubaarheid. Ons glo hierdie benadering is krities.

Voornemende ouers en studente

Voltooi asseblief die vorm om meer uit te vind oor ons program, ons opkomende funksies en om aansoek te doen by ons skool.

Ons span sal in kontak wees sodra u die vorms aangestuur het.

Indien u ‘n onderwyser is, kontak ons asb by danielle@camino.co.za

Vir enige algemene navrae, kontak gerus vir alba@greenschoolsa.co.za

Word deel van ons gemeenskap

Voltooi asseblief die volgende vorm om in te skryf op ons nuusbrief, sodat enige nuwe nuus oor ons skool u direk bereik.

Dui asseblief die korrekte opsie aan:

  • This field is for validation purposes and should be left unchanged.
mattis Aenean nec ipsum ut commodo ut pulvinar Sed at tristique commodo